Роспотребнадзор эсселек аркасында эш көнен кыскартырга тәкъдим итте

Бинада һава +29 градуска кадәр җылынса, эш бирүчеләргә хезмәткәрләрне ике сәгатькә иртәрәк, ә +30,5 градуска кадәр күтәрелсә - 4 сәгатькә алдан җибәрергә киңәш ителә.

Моннан тыш, һава температурасы +32,5 градустан югарырак булганда ачык һавада эшләргә киңәш ителми. «Мондый эшләрне иртәнге яки кичке вакытка күчереп, эш көне тәртибен үзгәртергә кирәк», - дип билгеләп үтә белгечләр.

Шул ук вакытта мондый шартларда эшләргә туры килә икән, өзлексез эш дәвамлылыгы 15-20 минуттан артмаска тиеш. Шуннан соң 10-12 минутлык салкын бинада ял итәргә кирәк. Эссе һавада 25 яше тулган һәм 40 яшьтән өлкәнрәк булмаган кешеләр генә эшли ала.