Һәркем экологияне саклауга ярдәм итә ала
Татарстан Экология министрлыгында telegramда чат-бот эшли башлаячак, анда республика халкы экологик хәлләр һәм хокук бозулар турында оператив рәвештә мәгълүмат җибәрә алачак. Ул якын көннәрдә эшли башлаячак, дип хәбәр итә ведомство башлыгы Александр Шадриков.
- Безнең элемтә каналлары һәм инструментлары күп. Хәзер без чат-бот ачарга телибез. Узган ел министрлыкка 8 700дән артык мөрәҗәгать керде һәм мин элемтә каналларын киңәйтү экологиянең тагын да яхшырак саклануына ярдәм итәр дип уйлыйм, — ди ул.
Telegram-бот ярдәмендә татарстанлылар геолокация белән уртаклаша яки табигать саклау законнарын бозу ачыкланган урын адресын кертә ала. Проблеманы тасвирларга һәм раслаучы файлны беркетергә кирәк.
Чат-боттан барлык хәбәрләр ТР Экология министрлыгына җибәреләчәк. Мәгълүматны алгач, ведомство хезмәткәрләре аны оператив рәвештә тикшерәчәк һәм кирәк булганда, хәл итү чаралары күрәчәкләр.
Следите за самым важным и интересным в Telegram-каналеТатмедиа
Нет комментариев