Пластик шешәләрдән койма эшләгән

«Мин бу койманы кайчан эшли башлаганымны хәтерләмим дә, - дип көлә ул. - Бу бакчага 20 ел инде, элек, су булмаганга шешәләрдә ташыдык. Ә менә биш ел элек су керттеләр. Шешәләрне ташларга жәлләдем, койма эшләргә булдым. Күршеләрем дә шешәләрен миңа бирде, - диде Геннадий Иванович. Интервью алырга барган журналистлар исәпләп чыгарганча, койма төзү өчен ике меңнән артык шешә кулланылган. Биеклеге- бер метрга якын, озынлыгы-50 метр тирәсе. Һәр багана өчен җиде шешә китә, дип искә төшерде Геннадий Иванович. Шешәләрнең башлары киселә дә, бер-берсенә кигертелә һәм чыбык белән бәйләнеп куела. Этикеткаларын Геннадий Иванович шунда ук өзәргә тырыша. 

“Биш елдан артык тора инде. Көчле җил булганда селкенеп ала, әлбәттә, - ди Геннадий Иванович. - Иң мөһиме - чүп-чар юк һәм койма да бушлай.