Олы Ачасыр авылында зур һәм күңелле төзекләндерү  эшләре бара

Мондый матур урын районда башка авылларда юк, дисәк тә  дөрес булыр. Биредә гомер-гомергә  авылдашлар җыелып күңел ачты. Элек бу тирәдә Сабан туе да үткәрелә иде, дип сөйли авылның аксакаллары. Җәйге бакчага куелган таган да  яшь җилкенчәкне үзенә тартып торды, кичке уеннарда яшьләр берсе белән  танышты, кавышты. Әмма  бер генә нәрсә дә мәңгелек түгел.

-Бу урын күптән  төзекләндерүне  көтә иде инде. Юкәләр дә картайдылар, корыдылар. Хәзер биредә бөтенләй башкача булачак, - дип шатлыклары белән уртаклаша  авылдашлар.