Новониколаевский бистәсендә гаиләләр белән тавыш бирәләр
Җирле халык өчен сайлаулар - гаилә эше. Ата-аналар белән бергә сайлау участокларына хәтта иң кечкенәләре дә килә, олыларга бюллетеньнәрне тавыш бирү урналарына төшерергә ярдәм итәләр.
Гайнуллиннар гаиләсе - Хәмзия һәм аның ире Марат, кызлары Алинә һәм Аделя, оныклары Кәрим һәм Сәминә - буыннар элемтәсенең һәм актив гражданлык позициясенең ачык мисалы булды.
1535нче участокка алар бергә тавыш бирергә килде.
- Балаларыбыз безгә карый, киләчәккә битараф булмаска, иҗтимагый тормышта катнашырга өйрәнә. Сайлауларга йөрү - безнең гаилә традициясе, беркем дә читтә калырга тиеш түгел, - дип саный Хәмзия Габдрахмановна.
Сайлау участоклары үз эшләрен дәвам итә. Исегезгә төшерәбез, быел тавыш бирү 11-13 сентябрьдә өч көн эчендә уза, эш вакыты 8.00 - 20.00.
Следите за самым важным и интересным в Telegram-каналеТатмедиа
Нет комментариев