Норлат балалары Космонавтика көнен билгеләп үтте

Бу көн онытылмасын өчен, ел да билгеләп үтәргә, аеруча, яшьләргә, укучыларга аңлатып, космонавтлар турында сөйләргә кирәк. "Кадрлар резервы" проектының икенче турында катнашучы авылдашыбыз Илдар Шәмсетдинов турында газета битләрендә укыгансыздыр инде. Менә бүген дә ул патриотик темага багышланган " Йолдызларга", дигән акция уздырды. Ул балалар түгәрәгенә һәм китапханәгә йөрүчеләр алдында космонавтикага кагылышлы викторина уздырды, видеоролик күрсәтте. Бик тә үзенчәлекле формада әлеге темага багышланган, ике яктан да укыла торган открытка-белешмә төзегән. Сорауларга дөрес җавап бирүчеләр өчен истәлек бүләк булды ул. Балаларның бик кызыксынучан, космонавтларны белүләре шатландырды. Норлат балалары Космонавтика көнен менә шундый файдалы чара белән билгеләп үттеләр.

Розалия Ибраһимова

Норлат