Норлат – Акъегет юлында җитди юл һәлакәте

Һәлакәт Норлат – Акъегет трассасында Күгәй авылы янында булган. 
Бу хакта ТР гадәттән тыш хәлләр министрлыгының мәгълүмат хезмәте хәбәр итә. 
Кичә 16:00 сәгать тирәсендә 112 номерына “Рено Логан” һәм “Лада 9 модель” бәрелешүе турында хәбәр килә. 
Шалтырату буенча вакыйга урынына килгән янгын сүндерү хезмәткәрләре, янгын чыкмасын өчен автомобильләрнең аккумуляторларын ычкындырып куя. 
Авария нәтиҗәсендә “Рено” машинасын йөртүче 41 яшьлек ир баш сөяге травмасы һәм битендә җәрәхәтләр, аның 39 – 64 яшьлек дүрт пассажиры төрле җитди имгәнүләр белән хастаханәгә китерелә. 28 яшьлек Лада йөртүчесе, шулай ук, баш сөяге травмасы һәм кабыргалары сыну сәбәпле, госпитализацияләнә.

Фото: vk.com/zd_life