Ничек инде бүләкләрсез?

Димәк, “безделушка” һәм бернәрсәгә яраксыз сувенирлар турында онытыгыз. Иң яхшысы, якыннарыгызга, аларны озак вакыт куандырып торырлык нинди дә булса сыйфатлы, файдалы һәм кирәкле әйбер сайлагыз. Бүләк белән ялгышмас өчен, хәлдән килгәнчә, кемгә нәрсә кирәген алданрак белешегез. Чираттагы статуэткага караганда урын-җир кирәк-ярагы бик күпкә яхшырак булачак. Ә классик дуңгыз “копилкасы” инде быел алыштыргысыз. Балалар шулай ук файдалы бүләкләргә мохтаҗ. Малайлар конструкторларга, радиоидарәле вертолет, машиналарга шатланачак, ә кызларга сыйфатлы балалар бизәнгечләре, кул эшләре җыелмасы яки кызыклы китаплар сайлагыз.