Миңнеханов "Балалар җыры марафонында" балачакта кем булырга хыялланганын сөйләде

Татарстан Президенты Рөстәм Миңнеханов Бөтендөнья балалар теләген үтәү көненә багышланган «Штаб» креатив индустрияләр резиденциясендә «Балалар җыры марафоны» концертында булды.

Яшь алып баручылар республика җитәкчесенә берничә сорау бирде. Шул исәптән, ул балачакта зур җитәкче булырга хыялланганмы, дип кызыксындылар.

"Кечкенә чакта мин зур җитәкче булырга хыялланмадым, мин инженер булырга теләдем, техника ярата идем. Ә чынлыкта, ничек бар - шулай килеп чыкты инде , - дип җавап бирде ТР Президенты.

Икенче сорау, яхшы нәтиҗәләргә ирешү өчен өйрәнергә кирәк булган мәктәп предметларына кагылды.

"Мәктәптә генә түгел, ата-аналардан, педагоглардан һәм остазлардан да өйрәнергә кирәк. Сезнең нәрсә яхшы килеп чыга, шуңа игътибар итәргә кирәк. Мәктәп программасына килгәндә исә, сез аңларга тиеш - кайда булачагын беркем дә алдан белми. Мәктәптә укыткан бөтен нәрсә кирәк булачак", - дип билгеләп үтте Миңнеханов.

ТР Президенты, шулай ук, мәктәптә һәм вузда яхшы укуын әйтте, әмма үз вакытында химия һәм чит телләр белән күбрәк шөгыльләнергә теләр идем. Шул ук вакытта, киләчәктә дөнья буйлап сәяхәт итү өчен кешеләр туган телләрен, үз иленең тарихын һәм географиясен белергә тиеш, тиеш диде.

"Бу предметлардан уртача белем дәрәҗәсе миндә бар иде. Без нефть эшкәртү һәм нефть химиясе республикасы, һәм мин белгечләр белән аралашканда, миңа сүзнең нәрсә турында барганын аңларга кирәк», - диде Татарстан Президенты.

Рөстәм Миңнеханов, шулай ук, математика, физика һәм биология кебек фәннәрнең мөһимлеген билгеләп үтте. Аерым ул информатиканы , аның әһәмияте бөтен җирдә цифрлаштыру аркасында үсүен телгә алды.