Мәгариф министры бәйрәмнәргә каршы укучыларга өй эше бирмәскә чакыра

- Яңа ел каникулларына өй эше бирмәскә кирәк, - диде Васильева. -Без мәгариф эшчәнлегенә, функциясенә бәйле булган грамоталылыгыбызны югалттык. Балалар кайчак үзләре алган белемнәрне ничек кулланырга икәнен аңламыйча да калалар. Боларны безгә халыкара тикшеренүләр күрсәтә, - дип ачыклык кертте министр. 
Аның сүзләренә караганда, күп кенә ата-аналар балаларның дәреслекләрдә бирелүче өй эшләрен аңламауларына зарлана. Нәтиҗәдә, кайчак  өй эшләрен бөтен гаилә белән төн уртасына кадәр эшләргә туры килә.