Көзге ярминкәләр Яшел Үзәндә кайчан башлана?

Бу турыда ЯҮМР башкарма комитетының карары чыкты.
Ярминкә мәйданнары итеп  «Табигать байлыклары» колхоз базары (Карл Маркс урамы, 39нчы йорт) билгеләнде.  Шулай ук «Сәүдә йорты» комплексында да (Комаров урамы, 21а)  сату рәтләре оештырылачак. Ярминкә биредә 9дан 17 сәгатькә кадәр  барачак.  Мәйданнарда барлыгы 40 сәүдә ноктасы  урнашыр дип планлаштырыла.
Шунысын билгеләргә кирәк, хәзер ярминкә мәйданнарында  сәүдә урыны  алу өчен килешүләр төзелә.  Яшел Үзәндә сезонлы ярминкә 1 декабрьгә кадәр барачак.