Күгәйдә сайлау белән бергә - спорт бәйрәме

Авылның гүзәл затларыннан һәмуңган егетләреннән торган ике команда мәдәният йорты янындагы мәйданда төрле ярышларда көч сынашты.
Гимн белән башланган спорт бәйрәме кызганнан-кызды. Сайлауга килгән бар халык мәш килеп йөгерешкән авылдашларын тамаша кылды. Эстафета, капчык киеп узышу, чүлмәк вату, аркан тарту кебек уеннарда бик теләп катнаштылар. Татар халык уены “Гөлбану” да, җыр-биюләр дә калмады. Кыскасы, көнне файдалы һәм күңелле итеп үткәрделәр. Әлбәттә инде, дуслык җиңде! Оештыручыларга афәрин диясе килә!