КФУ профессоры Татарстанда булачак кыш турында сөйләде

КФУның Экология һәм табигатьтән файдалану институты метеорология, климатология һәм атмосфера экологиясе кафедрасы мөдире, профессор Юрий Переведенцев кышын нинди һава торышы булачагы турында сөйләде. Бу хакта«Татар-информ» мәгълүмат агентлыгы яза.

Тотрыклы кар капламы гадәттә 18-21 ноябрьдә ята. Ноябрьдә, декабрьдә һәм гыйнварда температура норма кысаларында булачак, мондый мәгълүматларны РФ Гидрометы китерә.
Профессор февральдә, мартта температура нормадан югарырак булачак, дип тә өстәде.