Күңелемдәгесен әйтәм

Кайвакытта: «Кара әле, бу кеше нәкъ мин әйтергә теләгән сүзләрне язган бит», – дип уйлап куясың. Әле менә «Ватсаптагы сюси-мюсилар туйдырды» дигәненә кайтаваз язасым килә.  Әйе шул, бәйрәм җитүгә группада яза башлыйлар инде, 100 тапкыр бер открытканы жибәреп хәлдән таялар. Анда язмыйча бәйрәм үтми ахрысы. Хәерле иртә теләмәсәләр, 1 декабрь көне белән котламасалар, таң да атмас иде,  декабрь дә җитмәс иде микән?!  Хәзер Яңа ел җитә инде, тагын бөтен группадан дуңгыз открыт­калары килә башлая­чак. Телефонны чистартып, тавышын көйләп куярга кирәк булыр. Төнге 12 сәгать суга башлау белән тизрәк телефонга ябышачаклар.