Казанның елга портыннан Зөягә рейслар йөри башлады

Ул Яр буе Морквашы, Пустые Морквашы, Дачная һәм Рудник җирлекләренә дә туктый. Казаннан 09.00 сәгатьтә китә. Зөядән теплоходлар 15.15 сәгатьтә кузгалып, Казанга 17.20 сәгатьтә килә. Зөягә кадәр бару бәясе өлкәннәр өчен 127 сум тәшкил итә. 5 яшькә кадәрге балаларга юл бушлай. 5 яшьтән 10 яшькә кадәргеләргә (шул көнне кертеп) 50 процент ташлама бирелә - 63,5 сум.

Социаль дистанцияне саклау өчен сак хезмәте елга вокзалы бинасына 10 кешене кертә, алдан контактсыз градусник белән температураларын үлчи. Пассажирларның һәммәсендә дә шулай ук маскалар һәм перчаткалар булырга тиеш.