Казан яшь гвардиячеләре фонарьлар белән шәһәр һәм республика исемнәрен язды

Татарстанның яшь гвардиясе «КАМАЗ-мастер» командасы җибәргән флешмобны хуплады. Казан ишегалларының берсендә активистлар фонарьлар белән «Казан», «Татарстан», «Россия» һәм Putin team язмаларын күрсәттеләр.

“Без Казаныбызны, Татарстанны, Россияне яратабыз. Нәкъ менә шушы төп сүзләрне без үз акциябездә чагылдырырга булдык, - диде Татарстанның Яшь гвардиясе җитәкчесе Дамир Бариев.

Ул ассызыклаганча, "КАМАЗ-мастер" - үрнәк алырлык команда, шуңа күрә яшь гвардия аларның флешмобын хупларга карар кылган.

Исегезгә төшерәбез, элегрәк Чаллы командасы карлы кырда шул ук исемдәге иҗтимагый хәрәкәткә ярдәм йөзеннән Putin team дип язган иде.