«Капитал амнистиясе»нең III этабы

Физик затларга чит илдә булган милекләрен, активларын, счетларын һәм контрольдә торучы чит ил компания­ләрен үз теләкләре белән декларация­ләргә мөмкинлек бирелгән иде. Шул ук вакытта, налог һәм таможня түләүләреннән качкан, валюта әйләнешен көйләү һәм контрольдә тоту закончалыгын үтәмәгән өчен алар җаваплылыктан азат ителде.
Закон «капитал амнистиясе»нең срогын 2020 елның 1 мартына кадәр озайта. Түбәндәге шартларны үтәгәндә, алдан каралган барлык гарантияләр дә сакланачак:
– акча чараларын репатриацияләү (илгә кайтару);
– контрольдәге чит ил компания­ләрен редомициляция тәртибендә (юридик адресларын үзгәртеп), Калинин­град өлкәсе һәм Приморский край территорияләрендәге махсус административ районнарда дәүләт теркәлүен узу.