Каникул көннәре билгеле

2022 елда мәктәптә көзге каникуллар 29 октябрьдән 6 ноябрьгә кадәр булачак. Бу чорга 4 ноябрьдә үткәрелә торган Халыклар бердәмлеге көне дәүләт бәйрәме туры килә. Ул җомга көн була һәм россиялеләр 3 көн рәттән 6 числога кадәр ял итәчәк.
Мәктәпләрдә яңа ел каникуллары 2022 елның 31 декабреннән башлана һәм 2023 елның 8 гыйнварына кадәр дәвам итә.
Яңа ел һәм Раштуа бәйрәмнәре сәбәпле, дәүләт ял көннәре мәктәп каникуллары белән тулысынча туры килә – 31 декабрьдән 8 гыйнварга кадәр. Шуңа күрә укучылар һәм аларның әти-әниләре 9 гыйнварда бергә мәктәпкә һәм эшкә барачак.