Июньдә көтеләчәк үзгәрешләр

1 июньнән кайбер социаль түләүләрне билгеләүнең гадиләштерелгән варианты гамәлдә булудан туктый. Бу пенсия һәм пособиеләрнең аерым категорияләренә, шулай ук элек билгеләнгән ярдәм чараларын озайту һәм яңадан исәпләүгә кагылачак. Май аенда түләүләрне онлайн режимда рәсмиләштерергә мөмкин булса, җәй башыннан РФ Пенсия фонды документлар белән элеккеге эш тәртибенә әйләнеп кайта.
1 июньнән «Элемтә турында»гы закон үз көченә керә, ул СИМ-карталарны махсус салоннардан тыш сатуны тыя. Хәзер «симка» сатып алганда элемтә хезмәте күрсәтү турында килешү төзергә туры киләчәк. Билгеләнмәгән урыннарда товар саткан өчен административ җаваплылык каралган.
Җәй дәвамында Россия Федерация сендә карабодай ярмасын чит илгә чыгаруны вакытлыча тыю гамәлдә булачак. Хөкүмәт мондый карарны түбән уңыш һәм төрелмә кыйммәтләнүгә бәйле рәвештә кабул иткән.
Мәгърифәтчелек эшчәнлеге турындагы закон үз көченә керә, ул Мәгариф һәм фән министрлыгы белән төрле белем бирү һәм уку-укыту программаларын (чараларны) килештерүне күздә тота. Инициатива авторлары мондый чара «белем бирү процессына чит ил тыкшынуын булдырмаска» мөмкинлек бирәчәк, дип аңлата. Дөрес, документ профессиональ җәмәгатьчелек тарафыннан тәнкыйть уяткан.
Июнь аенда россиялеләрнең өстәмә ял көне булачак. 2021 елда Россия көне шимбә көненә туры килә, шуңа күрә җомгада (11 июнь) кыскартылган эш көне. Ә дүшәмбе (14 июнь) эш көне күчерү сәбәпле, ял көне булачак. Ягъни, яллар 12 июньнән 14 июньгә кадәр дәвам итәчәк.
Россия буенча турлар өчен cashback туристик программасы 2021 ел ахырына кадәр озайтылган. Башта ул 15 июньдә тәмамланырга тиеш булган. Шулай ук, җәйге чорда лагерьларда ял иткән өчен балалар «cashback»ы эшләячәк.