Иң өлкән укучыбызга бүләк барып иреште

Гомумән, Татарстанда 99 яшендә дә газета-журнал укучы, тормышын матбугаттан башка күз алдына китерә алмаучы бердәнбер кешедер ул, мөгаен!
Карашәмнең мөхтәрәм аксакалы, Бөек Ватан сугышы ветераны Габбас абый Сираҗиев «Яшел Үзән» һәм рус телендә чыгучы «Зеленодольская правда» газетасын да рәхәтләнеп укый. «Газетага языл да телевизор от» акциясе турында ишеткәч, квитанцияләрне Казанга юллый. «Татмедиа» җәмгыятендә эшләүчеләр дә, Габбас абый кебек актив укучылары булганга соклануларын яшерми. Шушы көннәрдә откан бүләге вәгъдә иткән йомшак юрган – хуҗасына барып иреште.