Газны вакытлыча сүндерү кемгә кагылачак?
ЭПУ «Зеленодольскгаз» хәбәр иткәнчә, 3 сентябрь көнне 9.00 сәгатьтән 17.00 сәгатькә кадәр газүткәргечтә ремонт эшләре белән бәйле рәвештә Новая урамы, 12 йорт (30 абонент), Б.Заводская урамы, 75 йорт (39 абонент) һәм Б.Заводская урамы, Буденный урамы, Малый пер ур., Новая урамы, Пушкин урамнарындагы шәхси йортларда яшәүче 94 абонентка газ белән тәэмин итү вакытлыча туктатыла.
Халыкка газларын ябарга һәм куркынычсызлык техникасын үтәргә киңәш итәләр. Газ приборларын кабат эшләтеп җибәргәндә, бинаны җилләтергә, морҗада тарту көче булуын тикшерергә, эксплуатацияләү газ хезмәте хезмәткәрләренә керүне тәэмин итәргә кирәк.
Газ исе чыкса, кичекмәстән газ приборларын куллануны туктатырга, краннарны һәм приборларга ябарга, бүлмәләрне җилләтү өчен тәрәзәләр яки форточкалар ачарга, авария газ хезмәтен түбәндәге телефоннар буенча чакыртырга: 04; 104; 112. Ут яндырмаска, электр яктырткычларын һәм электр приборларын кабызмаска һәм сүндермәскә, электр шалтыратуларыннан файдаланмаска.
Следите за самым важным и интересным в Telegram-каналеТатмедиа
Нет комментариев