Дефектлы чәйнек
– Савыт-саба, кухня кирәк-ярагы сатып алып кайткач дефектлар табылса, аны кибеткә кире кайтарып буламы икән? Газета укучы.
– Тулырак аңлату өчен мисал китерәм. Яшел Үзәнле базарда 3 литрлы эмаль чәйнек сатып ала. Бер атна файдаланганнан соң чәйнек төбендә тутык килеп чыга. Моңа бик аптыраган сатып алучы тагын базарга килә. Ул сатучыдан ни өчен товар турында сатып алганда мәгълүмат булмауга (җитештерүчесе, составы, куллану турында) аңлатма бирүне таләп итә. Әмма аңа сатучы баш тарта. Кулланучы консультация сорап безнең бүлеккә мөрәҗәгать итте. Безнең белгечләр аңа сатып алу-сату килешүен өзү турында шикаять проектын төзергә булышты һәм экспертиза уздыру һәм аңа түләү кагыйдәләре турында консультация бирде. Шәхси эшмәкәр кулланучы биргән гариза белән танышканнан соң, түләнгән сумманы кире кайтарды.
Следите за самым важным и интересным в Telegram-каналеТатмедиа
Нет комментариев