Бөтен автобусларны тикшерәләр

Шуңа күрә Яшел Үзән автоинспекциясе  даими рәвештә профилактика чаралары уздыра. Төп бурыч – юлларда автобуслар катнашында  чыгарга мөмкин булган аварияләрне кисәтү, пассажирларның иминлеген тәэмин итү, автобус йөртүчеләр һәм шулай ук вазифадагы һәм юридик затлар ягыннан хокук бозулар профилактикасы.

– Бу юлы юл полицейскийлары  Васильево борылышы янындагы Йошкар-Ола-Яшел Үзән юлына иртәнге җидедә чыкты, – дип сөйли Яшел Үзән ЮХИДИ бүлеге инспекторы Юлия Леонтьева. – Җәмәгать транспорты бу вакытта бик күп йөри.  Автобуслар туктатылса да, пассажирларны тоткарламас өчен  тикшерү процедурасы тиз башкарылды. Әмма кайбер автобус йөртүчеләргә тоткарланырга туры килде.  Рейд барышында 15 автобус туктатылып, 5 юл йөрү кагыйдәсе бозу очрагы теркәлде.  Әйтик, иминлек каешын эләктермәү, тахограф булмау,  теркәлү номеры күренмәү, арткы ишекнең төзек булмавы.  Алда  линиягә чыгарган вазифадагы затларны җавапка тарту мәсьәләсе каралачак.

Юлия Леонтьева фотолары.