БМОда пандемия аркасында дөньякүләм ачлык куркынычы турында кисәттеләр

БМОның Бөтендөнья азык-төлек программасының башкарма директоры глобаль азык-төлек иминлеген тәэмин итү кирәклеге турында белдерде.

"COVID-19 кешеләрнең сәламәтлегенә глобаль куркыныч кына түгел, ә глобаль гуманитар һәлакәт тә тудыра. Конфликтлар зонасында яшәүче миллионлаган кеше ачлык чигендә калырга мөмкин", - дип өземтә китерә Дэвид Бизли ТАСС.

Массакүләм ачлык башланмасын өчен, ул барлык илләрне хәзер үк эшли башларга өндәде - финанслау һәм сәүдә белән өзеклекләр булдырмаска. Оешма мәгълүматлары буенча, көн саен дөньяда 821 миллион кеше ач тора, ә коронавирус аркасында тагын 130 миллион тирәсе кеше ачлыкның кискен дәрәҗәсе белән бәрелешергә мөмкин.

Мохтаҗ илләргә даими рәвештә гуманитар ярдәм китерү турында Россия БМО каршындагы даими вәкаләтле вәкилнең беренче урынбасары Дмитрий Полянский сөйләде, бу максатларга ил ел саен 40 миллион доллар бүлеп бирә, дип билгеләп үтте ул.