Бала табучы аналарга өстәмә түләүләр

– Әйе, Татарстан авылларында яшәүче хатын-кызларга бала тапкан өчен 50 һәм 100 мең сум күләмендә бер тапкыр бирелә торган түләү каралган.

25 яшькә кадәр беренче баласын тапкан яшь әнигә 50 мең сум, ә 29 яшенә кадәр өченче баласын тудырган авыл хатынына 100 мең сум пособие тиеш.
Шәһәрләрдә көн итүче ялган авыл хатыннары артмасын өчен, республика хакимияте чикләүләр керткән: мондый түләүләр бары тик авылда өч елдан да ким яшәмәгән аналарга гына биреләчәк.
Әлеге пособиене алу өчен, яшәү урыны буенча урнашкан республика матди ярдәм үзәгенә гариза язып тапшырырга кирәк.