16 апрельдә Таиландтан очып кайтучы татарстанлыларны туганнарына каршы алмаска куштылар

Туганнары 16 апрельдә Таиландтан Татарстанга кайтучы пассажирлар белән очраша алмаячак. Кайтучылар, Covid-19 билгеләре булган очракта, аэропорттан обсерваторга яки йогышлы авырулар хастаханәсенә озатылачак. Бу хакта Татарстан Республикасы Премьер-министры урынбасары, коронавирус инфекциясе таралуга каршы республика штабы җитәкчесе Ләйлә Фазлыева хәбәр итте.

"Бер генә туган да Казан аэропортына үз якыннарын алу өчен килми. Кайтучыларның барысы да обсерваторга җибәреләчәк», - дип ассызыклады Фазлыева.

Кайтучылар обсерваторда ике урынлы номерда яшәү һәм туклану белән тәэмин ителәчәк. Беренчел кирәк булган барлык товарларны алар акчасына сатып алып, илтеп җиткерәчәкләр. Туганнарына шалтырата алачаклар, ләкин турыдан-туры түгел, ә профсоюз җитәкчесе аша.

Таиландтан 16 апрельгә билгеләнгән рейс Татарстанга 100дән артык кешене алып кайтырга тиеш. Элек билгеле булганча, коронавирус белән авыручыларның яртысы, диярлек, аны симптомсыз кичерә.