Яшел үзәнлеләр нинди журналлар укый

Әлеге сорау белән без районыбызның Норлат китапханәсе мөдире Алсу Садыйковага мөрәҗәгать иттек.  

 Алсу ханым сүзләренә караганда, райондашларыбыз аеруча "Сөембикә" журналын яратып укый. Яшь ханымнар да, олыраклар да әлеге журнал битләренә үзләренә кирәкле мәгълүматны таба ала.  Икенче урында - "Казан утлары", өченчедә - "Чаян”. «Идел», «Татарстан» һәм «Сәхнә»не дә бик теләп алалар икән. Балалар арасында иң популярлары - "Сабантуй", "Салават күпере". 

Ветеран укытучы Линар Әдиятуллин Норлат китапханәсенең иң актив укучыларының берсе, бигрәкләр дә яратып укый инде. Журналларның яңа санын нәшер итеп өлгер генә.