Васильево балалар китапханәсендә "Тукай эзләре буйлап" дигән квест-уен узды

- Уенның максаты - татар халкы тарихына, аның гореф-гадәтләренә хөрмәт уяту, Габдулла Тукай әсәрләре аша, туган телләр һәм Халык бердәмлеге елы кысаларында үз Ватаны һәм халкы өчен горурлык тәрбияләү, - дип сөйләде китапханәче Галина Ветлугина.

Китапханәгә килгән балаларны шагыйрьнең балалар әсәрләреннән әзерләнгән матур китап күргәзмәсе һәм Кырлай авылына чакыру хаты көтә иде. Балалар башта әзерләнгән флеш-моб – татар һәм рус телләрендәге «Туган тел» шигырен тизлеккә укып, бердәмләшеп ризалаштылар. Алар Тукай әкиятләре буенча ясаган рәсемнәрен күрсәттеләр.

Шуннан соң геройларның берсе атаклы Шүрәле булган мавыктыргыч квест-уенда күңел ачтылар. Биремнәрне үтәгәннән соң барлык катнашучылар да татлы призлар алды.