Яшел Үзән

Йолдызнамә буенча иң бай дүрт билге -акчаны кем үзенә күбрәк тарта?

Астрологлар акчаны үзенә иң күп тартучы Зодиак билгеләре турында мәгьлүмат туплаган.

Ни өчен берәүләргә акча "ябыша", ә башкалар, ничек кенә тырышсалар да, көчкә очларын очка ялгап көн күрә? Баксаң, байлыкны үзенә тартып торучы кешеләр бар икән.
Астрологлар финанс уңышка ирешүче дүрт зодиак билгесен атады.
Кучкар билгесе вәкилләренә акча мәсьәләсендә шактый уңыш елмая, әмма барысы да күктән төшми. Кучкарлар бик нык үҗәт һәм кыю кешеләр. Алар тәвәкәллектән курыкмый, шуңа күрә акча да шул тырышларның кулына саллы керә. Әгәр яшь чакта кучкар ташып торган энергиясен дөрес юнәлешкә юнәлтсә — аннан, һичшиксез, бик уңышлы малтабар чыгачак.
Кәҗәмөгезләргә акча табуда аларга гына хас сакчыллык бик нык ярдәм итә. Шул ук вакытта, аларга саран дип таш бәрергә тырышмагыз. Зодиакның бу билгесе, акчага даһи бер әйбергә караган сыман карый, аны югары бәяли, берән-сәрәнгә туздырып йөрми.
Чаяннарның үзенчәлекле сыйфатлары-финанс иминлегенә олы мәхәббәт һәм даими отышка сусау. Әгәр аларның башына баерга кирәк дигән фикер килеп сукса – ул тауларны урыныннан икенче якка күчереп утырта, әмма үзенекенә ирешәчәк. Кызганычка каршы, чаян матди байлык артыннан куып, еш кына мораль принциплар аша атлап, кеше башыннан узып китәргә сәләтле.
Кызлар брендлы, кыйммәтле әйберләргә, люкс автомобильләренә мохтаҗ түгел, хәтта аларның банктагы хисап счетында миллионлаган акчалар сакланса да. Эш аларның саранлыгында түгел, кызларның җәмгыятькә үзләрен бай итеп күрсәтеп, баш күтәреп, мактанып йөриселәре килми. Шуңа күрә, әлеге зодиак билгесе астында туган кешеләр өлкән яшьтә шактый яхшы сумма туплап куярга мөмкин.

Нравится
Поделиться:
Реклама
Комментарии (0)
Осталось символов: