Яшәеш
Яшел Үзәндә чыккан янгында автобус, "ГАЗель" һәм җиңел машина зыян күргән
Янгында барлык транспорт чаралары да тулысынча янып беткән.
Яшел Үзәндә чыккан янгында берничә автомобиль янган. Бу хакта Россиянең Татарстан буенча Гадәттән тыш хәлләр министрлыгына сылтама белән "Татар-информ" хәбәр итте.
Янгын аркасында Гоголь урамында автобус, "ГАЗель" һәм җиңел машина зыян күрде.
Янгын сүндерүчеләр килгәндә, машиналарның барысын да янгын чолгап алган булган. Утны сүндерү өчен аларга ун минут чамасы вакыт таләп ителгән.
Янгында барлык транспорт чаралары да тулысынча янып беткән. Янгын мәйданы 28 квадрат метрны тәшкил иткән. Зыян күрүчеләр юк.
Белгечләр янгынның кайдан килеп чыгуын әлегә ачыкламаган.
Следите за самым важным и интересным в Telegram-каналеТатмедиа
Нет комментариев