Бүген Яшел Үзән районында яңа авыручылар юк.
Республика оперштабы хәбәр иткәнчә, бүген Татарстанда коронавирус белән зарарлануның 22 яңа очрагы расланган. Ачыкланган очракларның берсе читтән килгән, калганнары - контактлы. Узган тәүлектә республиканың дәвалау учреждениеләренә алты татарстанлы озатылды, авырулары җиңел формада булу сәбәпле, тагын 16 кеше өйдә дәвалана.
Авыручылар арасында бишәү - өлкән яшьтәге, 17 - урта яшьтәге кешеләр. 14 кеше Казанда, биш кеше Нурлат районында, берәр кеше Кама Тамагы, Лаеш һәм Спас районнарында авырый башлаган.
Шулай итеп, бүген республикада 6740 СОVID-19 очрак. Бөтен чорда 5563 кеше савыккан, шул исәптән, 16сы соңгы тәүлектә. 66 кеше вафат булган.
Моннан тыш, 9 сентябрьгә СОVID-19дан үлүнең 66 очрагы теркәлгән.
1954 елгы Казан шәһәрендә яшәүче хатын-кыз, 12нче номерлы ГКБ базасындагы вакытлыча йогышлы авырулар госпиталенә яңа коронавирус инфекциясе китереп чыгарган ике яклы пневмония белән китерелгән. Йөрәк-кан тамырлары һәм эндокрин системалары хроник авыруларның кискенләшүе аркасында хәле катлауланган. Вирус булуы исбатланган. Үлем сәбәбе аутопсия нәтиҗәсендә ачыкланган.
1934 елгы ир-ат РКИБга ике яклы үпкә ялкынсынуы белән хастаханәгә озатыла. Хроник авыруларның кискенләшүе нәтиҗәсендә хәленең начарлануы күзәтелә. коронавирус инфекциясе булуы лаборатория тикшеренүләре нәтиҗәсендә расланган.
Туганнары һәм якыннарының кайгыларын уртаклашабыз.
Нет комментариев