Татарстанның тагын ике кешесе Covid-19 коронавирусы корбаннары булды. Бу хакта республика сәламәтлек саклау министрлыгының матбугат хезмәте хәбәр итә.
"Татарстанда коронавируслы инфекциядән ике үлем очрагы теркәлде <…>, - дип билгеләп үттеләр ведомствода.
Covid-19 дан 1941 елгы ир-ат һәм 1969 елгы хатын-кыз вафат булган. "Үлем сәбәпләре патологоанатомик экспертиза нәтиҗәсендә ачыкланды. Вирус идентификацияләнгән ", - дип ачыклык керттеләр министрлыкта.
Шулай итеп, Татарстанда рәсми рәвештә теркәлгән коронавирус корбаннарының гомуми саны 2021 елның 9 июненә 511кә җитте.
Комментарии
Без имени
0
0
Кайчан бетэр бу?!!!