ТР Гидрометүзәге якындагы биш көнгә һава торышы фаразын төзеде. Ялларда җылы һава торышы көтелә, явым-төшем булмас кебек.
Җомга көнне Татарстан территориясе төньяк-көнбатыш циклонның атмосфера фронты йогынтысында булачак. Синоптиклар яңгырлар, яшеннщр һәм көчле җил белән 15-20 м/с ка кадәр һава торышы вәгъдә итә. Көндез 15-20 градус җылы булачак.
Җомгадан шимбәгә каршы төндә яңгыр булырга мөмкин, әмма ялларда синоптиклар явым-төшем фаразламый. 12 сентябрьдә көндезге температуралар +15°С тан +20°ка кадәр тирбәлә. Якшәмбе, 13 сентябрьдә, Цельсийның +17- +22 градусына кадәр җылына.
Киләсе атна башына алдан фараз күңелле түгел. Республика яңадан болытлы һәм яңгырлы циклон йогынтысында калачак. Температура нольдән 13-19 градуска кадәр югары булачак.
Нет комментариев