Узган атнада ашыгыч медицина ярдәме күрсәтү хезмәтенә 929 чакыру килгән.
Шуларның 585е – шәһәрдән, 344е районнан булган. 534 кешене госпитализацияләгәннәр: 365е – шәһәрдән, 169ы – районнан.
Чкалов урамында өйдәше кулбашына пычак кадаган 39 яшьлек исерек хатын-кызга медицина ярдәме таләп ителгән. Аны травматология бүлегенә китергәннәр.
Ленин урамында 5 яшьлек баланың башына йорт түбәсеннән боз төшкән.
Баш мие җәрәхәтләнгән бала травматологиягә китерелгән.
Воронино авылының Садовая урамында улы кыйнаудан баш мие җәрәхәтләнгән 61 яшьлек хатын-кызга медицина ярдәме күрсәтелгән. Зыян күрүче хастаханәгә барудан баш тарткан.
Октябрьский авылының Гагарин урамында 38 яшьлек хатын-кызның ботын эт тешләгән. Зыян күрүче хастаханәгә барырга теләмәгән.
Нет комментариев