Орхидея капризлы чәчәк

Орхидеяны өйгә алып кайткач, ике атна башка гөлләрдән аерым карантинда тотарга кирәк.
Орхидеяны ике елга кадәр үз чүлмәгендә калдырырга була. Мүккә утыртылганын ике атнадан күчерергә кирәк. Керамик чүлмәктә тамырлары сулый.
Яфраклары, кайрысын тикшерегез. Чери башлаган тамырларын кисегез һәм теләсә нинди фунгицид белән эшкәртегез.
Орхидеяга йомшак су кирәк. Аңа кайнатып суытылган яки булмә температурасындагы яңгыр, кар суы сибәләр. Суына аз гына лимон кислотасы өстәргә була.
Атнага бер тапкыр чүлмәген сулы чиләккә утыртып юешләгез. Керамик чүлмәк дымга туена һәм тамырларны тиешле дымлылыкта тота. Өске тамырларына суны пульверизатордан бөркегез.
Иң яхшы урын - аш-су бүлмәсе. Гөл дымлылык ярата. Туры кояш нурларыннан ышыклагыз.