БЕЗ БИТ АВЫЛ БАЛАСЫ.

Автор, 13 ноябрь 2022 - 20:30

385

Без күбебез авыл балалары, Җирнең куенында үскәннәр. Авыллардан китеп, читтә яшәп, Җирен сагынып,гомер иткәннәр.

Зур шәхәрләр безне сыендырды,
Бөтереп алды олы шаукымнар.
Югалмаска безгә ярдәм итте
Авылда төйнәлгән акыллар.

Безнең буын-төптән көчле буын,
Сындыралмый көчле давыллар.
Эшкә түзем, хискә сизем итеп,
Чыныктырды безне авыллар.

Кимсенмәдек,туган җиребезне
Һәрвакытта зурлап атадык.
Авыл балалары булуны без
Зур горурлык итеп санадык.

Тормыш дәрьясында адашмыйча
Әле безгә бик күп барасы.
Сынатмабыз,бездә ярсу көч бар,
Без бит әле авыл баласы!