Васильево бистәсендә күренекле якташыбыз, танылган рәссам Константин Алексеевич Васильевны искә алу көне узды

Константин Васильев Татарстан Рәссамнар берлегенең Сәнгать фонды заказлары буенча мәктәптә рәсем һәм сызым укытучысы, бистә заводларында рәссам булып эшли. Ләкин аның иҗатында иң мөһиме дөньякүләм танылу китергән картиналар була.

Бу көнне музейга Конс­тантин Васильевның дуслары һәм якыннары, аның талантын хөрмәт итүчеләр җыелды. Хәтер көне традиция буенча Васильевлар гаиләсе каберләрен караудан һәм чәчәкләр салудан башланды. Аннары истәлекле чаралар мемориаль музейда дәвам итте, анда «Беседка» иҗат төркеме «Конс­тантин Васильев – безнең кеше!» әдәби-музыкаль композициясен тәкъдим итте. Бу истәлекле дата музейда инде 30 ел дәвамында билгеләп үтелә.

Музейда үсеп килүче буын катнашында мәдәни-мәгариф эше алга киткән. Ел саен балаларның иҗади сәләтләрен үстерүгә, патриотик хисләр тәрбияләүгә һәм дөньяга карашларын киңәйтүгә юнәлдерелгән чараларга зур урын бирелә.