Татарстанда коронавирустан "Спутник V" белән 1,1 мең кеше вакцинацияләнгән.

Татарстанда коронавирус инфекциясенә каршы «Спутник V»  прививкасын 1,1 мең кеше ясаган. Бу хакта “Татар-информ” мәгълүмат агентлыгында узган матбугат конференциясендә ТР сәламәтлек саклау министры урынбасары Владимир Жаворонков сөйләде.

"Хәзерге вакытта вакцинацияләнүчеләр саны - 1100", - дип билгеләде спикер.

 Аларның 658е медицина хезмәткәрләре.

Исегезгә төшерәбез, 26 декабрьдә Татарстанга тагын өч мең доза вакцина килде. Барлыгы республика 5,9 мең доза препарат алды.