Яшел Үзәндә корал тоткан кеше суд бинасына керергә теләгән

Суд приставлары ир-атны камералардан күреп ала, экстрен хезмәтләргә шалтырата  һәм ишекне бикләп куя.

Җинаятьче белән сөйләшергә тырышып карыйлар, ләкин, Татарстан буенча УФССП матбугат хезмәте хәбәр итүенчә, ул адекват булмаган җавап кайтара. Ир-атны приставлар коралсызландыра, кул богавы кидертә һәм полициягә тапшыра. Сорау алу вакытында, тоткарланучы үз гамәлләрен аңлата алмый.