Яшел Үзәндә асылмалы җәяүлеләр күпере һәм күлле яңа парк барлыкка киләчәк

Проектта 17 күпфатирлы йорт, сәүдә үзәге, шәхси балалар бакчасы, физкультура-сәламәтләндерү комплексы бар. Моннан тыш, монда күлле яңа парк төзеләчәк, ул шәһәрнең барлык кешеләре өчен ачык булачак.

Муниципалитет башлыгы Михаил Афанасьев белән киңәшмәдә яңа төзелешне исәпкә алып, социаль инфраструктура мәсьәләләре буенча фикер алыштылар.
- Безнең район үсә, киңәя, Зур Яшел Үзән буенча актив эш алып барыла һәм без, беренче чиратта, юл инфраструктурасын һәм социаль объектларны файдалану ягыннан шәһәрлеләрнең һәм Үзәндә яшәүчеләрнең ихтыяҗларын анализларга тиеш, - диде Михаил Афанасьев.

Инвестор Тимур Егоров Мирный микрорайоны белән комплексны тоташтырачак һәм турыдан-туры Ломоносов исемендәге 18нче лицейга чыгачак җәяүлеләр өчен асылмалы күпер төзү планлаштырылуы турында сөйләде. Яшел Үзән («Зеленая Долина») халкы шәһәр мәктәпләрендә укый алачак. Моннан тыш, җәяүлеләр күпере күзәтү мәйданчыгы булып хезмәт итәчәк.

Шәһәр ягыннан яңа транспорт маршруты эшләнәчәк һәм тукталыш павильоннары урнаштырылачак. Машина төзүчеләр урамында юлны киңәйтү һәм реконструкцияләү планлаштырыла.

Мирный микрорайонының парк зонасы да киңәячәк. Яңа «Яшел Үзән» паркы «Каенлык» белән тоташтырылачак, үз маршрутын үзгәртәчәк. Чаңгы трассасының километражы артачак, яңа күл барлыкка киләчәк. Шулай ук районның яшел каркасын ныгытачаклар, анда киселгән коры агачлар урынына төрле токымлы агачлар утыртачаклар.

Беренче йортларны тапшыру 2024 елда ук планлаштырылган.