Ашыгыч медицина ярдәме күрсәтү хезмәтенә 863 чакыру килгән.
Шуларның 528е – шәһәрдән, 335е районнан булган. 403 кешене госпитализацияләгәннәр: 259ы – шәһәрдән, 144е – районнан.
Сәйдәшев урамында өстенә кәстрүл белән кайнар аш түгелүдән зыян күргән, бите, кулбашы пешкән 2 яшьлек баланы республика клиник хастаханәсенә илткәннәр.
Осиновоның Садовая урамында да бер яшьлек бала үзенчәлекле пешүләр алган. Ул автосервис янында кайнар сулы сулыкка егылып, муенына, кул-аякларына, күкрәгенә зыян китергән. Аны да медиклар ДРКБга илткән.
Ореховканың Солнечная урамында 4 яшьлек кыз ашлама белән агуланган. Аны балалар хастаханәсенә китергәннәр.
Фото: Чулпан Гыйсмәтуллина, "ЯҮ"
Нет комментариев