2026 елда Татарстанда пенсиягә кем чыга алачак?

Фото: Чулпан Гыйсмәтуллина, «ЯҮ»

Лаеклы ялга кем китә алуы турында - "Татар-информ" материалында.

Хәзерге вакытта Россиядә этаплап пенсия реформасы уздырыла. Пенсиягә чыгу яшен арттыру ун елга исәпләнгән - 2019 елдан 2028 елга кадәр.

Реформа тәмамлангач, яшь бусагасы биш елга артачак: хатын-кызлар өчен ул 60 яшь, ир-атлар өчен - 65 яшь.

2026 елда пенсияне кем рәсмиләштерә ала?

2026 елда гомуми нигезләрдә пенсиягә чыгу хокукын 1962 елгы ир-атлар алачак, аларга 64 яшь тула, шулай ук 1967 елда туган һәм 59 яшькә җиткән хатын-кызлар.

Моннан тыш, пенсиягә вакытыннан алда чыгу өчен законлы нигезләмәләре булган Татарстан халкы пенсия түләүләрен рәсмиләштерә алачак.