Карашәм авылы Садовая урамында яшәүчеләрне бәхет басты

-Яз-көз айларында, бигрәк тә яңгырларда азаплана идек. Кайларга гына мөрәҗәгать итеп карамадык, һәм менә, ниһаять, Республика программасына кертелеп, юл салынды. Җәяү дә күңелле, машина белән дә капка тебенә кадәр кереп йөреп була. Шушы эшне башлап җибәрүче Республика, район җитәкчеләренә, Рус Әҗәле авыл җирлеге башлыгы Гөлнара Семахинага, юл салу оешмасы хезмәткәрләренә олы рәхмәтебезне җиткерәбез. Дөньялар тыныч булып, исән-сау, рәхәтен күреп яшәргә язсын барыбызга да, – дип шатлыгы белән уртаклаша Ләйсән Хәйбуллина.