«Яшел Үзән» журналис­ты артыннан «разведка»га

Җәй коры килде, җиләк тә юктыр дип уйлаган идем, «Яшел Үзән»нең социаль челтәрләрендә бер журналис­тыгызның берничә чиләк җыйганын күргәч, мин дә җыенып, ел да йөри торган урынга киттем.

Аңа кадәр күршеләрем «разведка»га барып кайткан иде. Җиләк тә, хәтта үләне дә юк диделәр. Әхә, мин әйтәм, болар моны махсус шулай әйткән бит!

Әлбәттә узган елгы кебек күп түгел, шулай да тырышып эзләсәң, табарга һәм җыярга була. Шатланып, сезгә дә рәхмәтләр укып кайттым әле. Кышын азрак булса да авыз итәрлек булды. Бер өлешен кайнаттым, калганын катырып куйдым.