#әйтәмәле

Карагуҗа авылыннан шалтыратуым иде, кызлар. Борщевик – балтырган авыл кырыенда гына түгел, ә эчендә дә күренә башлады. Күрше Биектау районы Әлдермеш авылына барган идем, балтырган үскән басулар кап-кара булган. Хөкүмәт ярдәме белән эшкәрткәннәр, агулаганнар аны. Безнең районда да шулай эшләп булмыймы аны? Авыл уртасында үсеп утыруы бер дә күңелле түгел, вакытында чарасы күрелмәсә, тагын артачак кына.

Редакциядән: Бу сорауга ачыклык кертү максатыннан Олы Карагуҗа авыл җирлеге башлыгы Раилә Хөснетдиновага мөрәҗәгать иттек. Аның сүзләренә караганда, механика ярдәмендә чабу, керә алган урыннарда казып алу эшләре инде бу атнада ук башкарыла.