Яшел Үзән мәртәбәле кунакларны көтә

15 февральдә Яшел Үзәндә ТР Дәүләт Советы рәисе Фәрит Мөхәммәтшинны көтәләр.

Ул көнне башта "Метеор" спорт-сәламәтләндерү комплексы - бассейн ачылачак. Шулай ук Җиңү паркында Совет гаскәрләренең Әфганстаннан чыгарылуына да 25 ел тулу уңаеннан тантаналы митинг булачак. Кунаклар һәм җыелучылар Мәңгелек утка чәчәкләр сала. Вакыйга өстенә вакыйга дигәндәй, социаль ипотека программасы буенча төзелгән 79 квартирлы йортка да шул көнне күченергә булдылар. Монда Бөек Ватан сугышы ветераннары да яңа квартирга күчә. Яшел Үзән муниципаль район Советының хисап сессиясе дә 15енә билгеләнгән.