«Ничек күтәрергә моны?» Унынчы каттан җырчының башта баласы егылып төшкән, аннары - үзе

Артыннан ук 34 яшьлек әнисе дә унынчы каттан егылып төшә, дип яза «Столица СС». Кызны реанимациягә алып китәләр, ә хатын шунда ук һәлак була. Фаҗига булган көнне гаилә башлыгы Мәскәүдә була.

Һәлак булган хатын – Мордовиядә билгеле җырчы. Елизавета Кутурова, ул «Росичи» төркемендә җырлап йөргән. Шул ансамбльдә вакытта ул ире белән таныша, аларның мәхәббәт тарихлары турында язалар. Өйләнешәләр, кызлары туа, Елизавета, бала тапкач, концертларга йөрми башлый. 

Фаҗига булган көнне төгәл ни булганы билгеле түгел, дип яза газета – моны тикшерүчеләр ачыклый. Кыз егылып төшкәнне әнисе күтәрә алмаган дигән фараз бар, әмма Елизавета бу вакыйгага кадәр социаль челтәрдән ни өчендер аккаунтын юк иткән. Әмма хатынның танышлары бернинди үзгәрешләрне дә сизмәгән.

«Алар күптән түгел генә авылга барып кайттылар, Тольяттида үлгән туганнарын җирләделәр, — дип елый-елый сөйләгән Елизаветаның иренең әтисе. – Бар да тәртип иде. Иртән хатыным шалтыратып сөйләде. Ә көндез улым шалтыратып сөйләде… Оныгым больницада, реанимациядә. Нәрсә булганын күз алдына да китерә алмыйм. Ул эчү белән мавыкмый иде, ике югары белеме бар. Улым белән яхшы яшәделәр. Фатирлары, авылда йортлары бар. Бәла буласын берни дә сиздермәде. Ничек шулай? Ничек күтәрергә моны?».

Чыганак:Интертат: иң популяр татар сайты