Фирдүс - Татарстан чемпионы

 Ике көн буе ун үлчәү авырлыгында 305 көрәшче көч сынашты.

Көрәшне тамашачылар гына түгел, көрәшчеләр үзләре дә зарыгып көткән. Бу бик мәртәбәле һәм көтеп алынган ярышта иң югары авырлыкта 130 көрәшче арасында безнең Яшел Үзән баһадиры Фирдүс Зәйнуллин Халыкара класслы спорт осталары булган 4 кешене җиңеп, чиста алым белән чемпион калды.

Фирдүскә, бу зур җиңүдән соң парад барышында тантаналы төстә Халыкара класслы спорт остасы исеме дә бирелде. Батыр көрәшчене зур җиңүе белән котлыйбыз!