03 Ашыгыч медицина ярдәме күрсәтү станциясе хезмәткәрләре 926 чакыру кабул итеп алган

363 кешене госпитализацияләгәннәр: 259ы – шәһәрдән, 104е – районнан.

Ленин урамында кома хәлендә булган шәхесе ачыкланмаган зат янына чакыру алынган. Аны реанимациягә китергәннәр.

Б.Урманче урамында йортның 3нче катыннан егылып төшеп күп санлы җәрәхәтләр алган 12 яшьлек кызга ашыгыч ярдәм күрсәтелгән. Аны травматология бүлегенә китергәннәр.

Заикин урамында билгесез зат кыйнап, баш мие җәрәхәтләнгән 43 яшьлек исерек хатын-кызга медицина ярдәме таләп ителгән. Аны травматология бүлегенә алып киткәннәр.

Гоголь урамында 67 яшьлек исерек ир-атны эт тешләгән. Зыян күрүче травматология бүлегенә китерелгән.