Мәрьям Миннегуловада караҗимеш белән пирог рецепты

Бер таба пирог өчен кирәк була, камыр өчен:

• 100 гр өй җылылыгындагы каймак
• 100 гр өй җылылыгындагы ак май
• 1 йомырка
• 1 аш калагы шикәр комы
• Ярты чәй калагыннан әзрәк тоз
• 1,5 чәй калагы коры чүпрә
• Он кирәгенчә

Эчлек өчен:

• 200 гр төшсез караҗимеш
• 200 гр каймак
• 150 гр ак сгущенка
• 50 гр әстерхан чикләвеге
• 2 йомырка

Эш барышы.
✔Иң элек караҗимешне җылымса суга салабыз да, йомшаргач иттарткычтан үткәрәбез, әче булса песок салабыз, куе булса кайнаган су салып болгатып куябыз.
✔Барлык катнашмаларны салып камыр басабыз да, бер 15 минут өстен ябып торабыз.
✔Әзер камырны җәябез, майланган табага куябыз, караҗимеш катнашмасын салабыз да җәябез.
✔Йомырканы күпертәбез, каймак, сгущенка салабыз, болгатабыз.
✔Шушы катнашманы караҗимеш өстенә агызабыз.
✔Өстенә чикләвек уып салабыз.
Камырның чит читләрен матур итеп ясыйбыз да, мичкә пешергә озатабыз.
✔200 гр мичтә 40 минутлап пешә.

Тәмле булсын!!

Чыганак: Татар халык ашлары
Автор фотосы